🌿🩸 संवेदना फाऊंडेशन आजरा आयोजित भव्य महारक्तदान शिबिर व रानभाजी महोत्सव दिमाखात साजरा 🌿🩸

आजरा :
संवेदना फाऊंडेशन आजरा यांच्या वतीने पं. दीनदयाळ विद्यालय, आजरा येथे भव्य महारक्तदान शिबिर व रानभाजी पाककृती स्पर्धा सोहळ्याचे आयोजन करण्यात आले. हा महोत्सव अतिशय उत्साहवर्धक वातावरणात पार पडला.

🩸 महारक्तदान शिबिर
संवेदना संजीवनी टीम वतीने आयोजित या रक्तदान शिबिरामध्ये तब्बल १६० रक्तदात्यांनी रक्तदान करून सामाजिक बांधिलकी जपली. सर्व रक्तदात्यांचा संवेदना फाऊंडेशनतर्फे विशेष टी-शर्ट देऊन गौरव करण्यात आला. हे शिबिर संजीवनी ब्लड बँक, कोल्हापूर यांच्या सौजन्याने झाले. या उपक्रमासाठी डॉ. प्रवीण निंबाळकर, डॉ. सुरजीत पांडव , संजय हरेर, संवेदना संजिवनी टीम सदस्य यांचे विशेष सहकार्य लाभले.

🥬 रानभाजी पाककृती स्पर्धा
याच वेळी संवेदना निसर्गमित्र टीम वतीने रानभाजी महोत्सव व पाककृती स्पर्धेचे आयोजन करण्यात आले. कार्यक्रमाचे प्रास्ताविक डॉ.धनाजी राणे यांनी ही स्पर्धा रानात उगवणाऱ्या भाजीपाल्यांच्या पोषणमूल्य व औषधी उपयोगांचा गौरव करण्यासाठी आयोजित केली आहे असे सांगितले.
या महोत्सवाचे उद्घाटन प्रख्यात वक्ते डॉ. मधुकर बाचुळकर व महिला शक्ती टीम यांच्या हस्ते झाले. डॉ. बाचुळकर यांनी आपल्या मनोगतात सांगितले की “मानवी जीवनात रानभाज्यांचे पोषणमूल्य व औषधी उपयोग अमूल्य आहेत. बदलत्या जीवनशैलीत आहारात ऋतुमानानुसार रानभाज्यांचा समावेश केला पाहिजे.”

या स्पर्धेत ४७ स्पर्धकांनी सहभाग घेतला. नव कृष्णा व्हॅली स्कूल उत्तूरच्या विद्यार्थ्यांनी रानभाजी रोपांचे माहितीपर प्रदर्शन मांडून उपस्थितांचे लक्ष वेधले.

🏆 विजेते स्पर्धक

प्रथम क्रमांक –सौ.शुभांगी राणे

द्वितीय क्रमांक – सौ. नंदा सदाशिव सावंत

तृतीय क्रमांक – सौ. प्रियांका मोहन पायरेकर

चतुर्थ क्रमांक – सौ. मीरा गंगाराम हरेर

पाचवा क्रमांक- सौ. विमल दशरथ कसेकर.

तसेच उत्तेजनार्थ पुरस्कार सौ. वर्षा कृष्णा होडगे, सौ. सरिता बाळासाहेब पाटील व सौ. सुगंधा परशराम हरळकर यांना प्रदान करण्यात आले.

विजेत्यांना गृहोपयोगी भेटवस्तू सन्मानचिन्ह, प्रशस्तीपत्र, तर सर्व सहभागींना आकर्षक भेटवस्तू व प्रमाणपत्र देऊन गौरविण्यात आले.

🌿 कार्यक्रमातील मान्यवर उपस्थिती
मा.म्हाळसाकांत देसाई (नायब तहसीलदार, आजरा), डॉ. सुधीर मुंज (अध्यक्ष, स्वामी विवेकानंद शिक्षण संस्था, आजरा) मा.भुषण पाटील तालुका कृषी अधिकारी,आजरा.मा. संजीव देसाई प्राचार्य पं. दीनदयाळ विद्यालय आजरा.मा.रामकृष्ण मगदूम, प्राचार्य,नव कृष्णा व्हॕली स्कूल उत्तूर. यांच्यासह अनेक मान्यवरांनी उपस्थित राहून कार्यक्रमाची शोभा वाढवली. कार्यक्रमाच्या अध्यक्षस्थानी संवेदना फाऊंडेशनचे अध्यक्ष माननीय अण्णाप्पा पाटील होते.

👩‍⚖️ परिक्षक मंडळी व सहकार्य
या स्पर्धेसाठी परीक्षक म्हणून श्री. मोहन माने, (रानभाजी, कंदमुळे अभ्यासक) अ‍ॅड. एम. ए. पाटील, श्री. ढवळ सर, सौ. धनश्री देसाई व शुभांगी निर्मळे मॅडम यांनी परिश्रम घेतले. तसेच पारितोषिकासाठी योगेश शिंदे, श्रीकांत कळसकर, पांडुरंग पाटील, संजय भोसले व मॅक्वीन फर्नांडिस यांनी सहकार्य केले.
पं. दीनदयाळ विद्यालय आजरा चा सर्व शिक्षक वृंद व कर्मचारी यांचे विशेष योगदान लाभले.

✨ यशस्वीतेमागचे श्रमवीर
या संपूर्ण उपक्रमाचे यशस्वी आयोजन करण्यासाठी संवेदना निसर्गमित्र टीमचे गिरीधर रेडेकर, अमोल रेडेकर, महेश पाटील, सिद्धेश गिलबिले व रमेश सावंत, युवराज पाटील,अमर पाटील,अश्विन हरेर,तानाजी खाडे, श्रीतेज कवळेकर,अरूण घाटगे.फिलीप राॅड्रींक्स,सौ.गिताताई पोतदार सह सर्व संवेदना सदस्य यांनी मोलाचे योगदान दिले. कार्यक्रमाचे सुंदर सूत्रसंचालन संवेदना फाऊंडेशनचे सचिव श्री.संतराम केसरकर यांनी केले तर आभार प्रदर्शन श्री.गिरीधर रेडेकर यांनी मानले.

👉 सामाजिक बांधिलकी आणि आरोग्यपूरक आहार यांचा संगम घडवणारा संवेदना फाऊंडेशनचा हा उपक्रम आजर्यातील एक संस्मरणीय सोहळा ठरला.