जळगाव जिल्हा प्रतिनिधी/ दिनेश सोनवणे / अडावद ता. चोपडा जि. जळगांव – नूतन ज्ञान मंदिर माध्यमिक व उच्च माध्यमिक विद्यालयात इंग्रजी दिवस 26 जुलै 2025 रोजी उत्साहात साजरा करण्यात आला. विद्यालयाचे मुख्याध्यापक श्री आर. जे. पवार सर आणि उपमुख्याध्यापक श्री एस. के. भंगाळे सर यांच्या मार्गदर्शनाखाली प्रत्येक आठवड्यात इंग्रजी दिवस आयोजित केला जातो.
आजच्या कार्यक्रमाचे अध्यक्षस्थानी विद्यालयाचे पर्यवेक्षक श्री के आर कणखरे सर होते. कार्यक्रमाच्या उद्घाटनाचे काम श्रीमती एस आर बोरसे मॅडम आणि इतर शिक्षकांनी केले. विचार मंचावर श्री एस ए सावळे सर, श्री टी डी पाटील सर, श्री के बी पाटील सर, आणि श्री व्ही जे महाजन सर उपस्थित होते.
कार्यक्रमाची सुरुवात सरस्वती मातेच्या पूजनाने करण्यात आली. नववी आणि दहावीच्या विद्यार्थ्यांनी इंग्रजीत सूत्रसंचालन, कविता सादर केली तसेच संवाद कौशल्य, मुलाखत आणि थोर नेत्यांचे विचार इंग्रजीत सादर केले. इंग्रजीचे शिक्षक श्री एस ए सावळे सर यांनी विद्यार्थ्यांना इंग्रजी भाषेचे महत्त्व सांगितले आणि त्याचे उपयोग समजावले.
कार्यक्रमाचे नियोजन श्री व्ही जे महाजन सर यांनी केले, तर फोटोग्राफीचे काम श्री एस आर महाजन सर आणि श्री एस डी खोडपे सर यांनी केले.
कार्यक्रमाच्या यशस्वीतेसाठी सर्व शिक्षक शिक्षकेतर बंधू भगिनी यांनी उत्कृष्ट सहकार्य केले. इंग्रजी भाषा शिकणे आणि त्याचे महत्त्व विद्यार्थ्यांना समजावणे हे या कार्यक्रमाचे मुख्य उद्दीष्ट होते.
