पडीक जमीन येणार ओलिताखाली

(प्रदीप जोशी, पत्रकार, विटे )
खानापूर तालुक्यात रोहयोजनेची कामे मोठ्या प्रमाणावर सुरु आहेत. सुमारे 140 विहिरीची कामे अंतिम टप्प्यात आहेत. पडीक जमीन आत्ता ओलिताखाली येणार आहे.
खानापूर तालुक्यात 19159 जॉब कार्ड धारक आहेत. 35635 मजुरांची नोंद झाली आहे. सिंचन विहीर, जल तारा, शोषखड्डा, बांबू लागवड, रेशीम तुती, फळबाग लागवड आदी माध्यमातून मजुरांना काम उपलब्ध झाले आहे. चालू आर्थिक वर्षात जलतारा एक हजार कामे, शोषखड्डे 150 कामे, 20 हेक्टरवर बांबू लागवडीचे नियोजन केले आहे.
सिंचन विहिरीसाठी 4 लाख 74 हजार, बांबू लागवडीसाठी 5 लाख, शोषखड्ड्यासाठी 3300, जलतारासाठी 4500, जनावरांच्या गोठ्यासाठी 70 हजार रुपये अनुदान प्राप्त झाले आहे.