परळी प्रतिनिधी : (माणिक बनसोडे )
मोजे नागापूर येथे आज दिनांक 6 जून शिवराज्याभिषेक सोहळा दिनाचे आयोजन नागापूर ग्रामपंचायतचे वतीने करण्यात आले. सर्वप्रथम छत्रपती शिवाजी महाराज यांच्या प्रतिमेचे पूजन मान्यवरांच्या हस्ते करण्यात आले. छत्रपती शिवाजी महाराज यांच्या पूर्णाकृती पुतळ्याला पुष्पहार अर्पण करून शिवराज्याभिषेक दिन सोहळ्याला सुरुवात करण्यात आली. यावेळी प्रमुख मान्यवरांची उपस्थिती लाभली. नागापूर ग्रामपंचायत सरपंच सौ मंगल ताई रमेश तोंडारे, उपसरपंच संतोष भैया सोळंके, ग्रामसेवक. श्याम गंगाधरे नागापूर ग्रामपंचायत सदस्य. भागवतराव मुंडे सर्व ग्रामपंचायत सदस्य तसेच गावातील सर्व प्रतिष्ठित नागरिक, सर्व शिवप्रेमी, तसेच राजकीय, सामाजिक, शैक्षणिक क्षेत्रातील मान्यवर यांच्या प्रमुख उपस्थितीमध्ये नागापूर ग्रामपंचायत च्या समोर शिवराज्याभिषेक सोहळा संपन्न करण्यात आला. यावेळी अनेक मान्यवरांनी शिवराज्याभिषेक दिन सोहळा निमित्त आपले मनोगत व्यक्त केले. या कार्यक्रमाला नागापूर गावातील सर्व प्रतिष्ठित नागरिक तथा शिवप्रेमी मोठ्या संख्येने उपस्थित होते. असे नागापूर गावचे उपसरपंच मा. संतोष भैय्या सोळंके यांनी दिलेल्या प्रसिद्धिपत्रकात म्हटले आहे.
